السرطان مرض بيبدأ لما الخلايا الطبيعية في الجسم تخرج عن السيطرة وتتكاثر بطريقة غير منتظمة، الخلايا دي بتكوّن أورام ممكن تفضل في مكانها أو تنتشر لأعضاء تانية.
المرض ده من أخطر الأمراض حول العالم، لكن الكشف المبكر والعلاج السريع بيفرق كتير في فرص الشفاء.
السرطان ليه أربع مراحل، المرحلة الأولى بيكون الورم صغير ومحدود، في الثانية والتالتة ممكن يمتد للأنسجة أو الغدد القريبة، أما المرحلة الرابعة فهي الأصعب لأن الورم بينتقل فيها لأجزاء تانية في الجسم.
الأعراض بتختلف من شخص للتاني، لكن أشهرها تعب مستمر، فقدان وزن من غير سبب، ارتفاع حرارة بالليل، تعرق، ألم مستمر، تغير في شكل الجلد أو الشامات، وظهور كتل جديدة في الجسم.
في بعض الحالات بيظهر دم في البول أو البراز، أو كحة فيها دم، ظهور الأعراض دي مش معناه دايمًا وجود سرطان، لكن لازم تتراجع الطبيب لو استمرت فترة طويلة.
السرطان بيظهر لما الجينات اللي بتنظم نمو الخلايا يحصل فيها خلل، الطفرات دي ممكن تكون وراثية أو تحصل مع الوقت بسبب عوامل زي التدخين، التلوث، أو سوء التغذية، ومعظم الحالات بتحصل نتيجة طفرات مكتسبة مش موروثة.
الطب دلوقتي بيقدم طرق علاج متطورة زي الجراحة والعلاج الكيماوي والمناعي، الفحص الدوري بيساعد على اكتشاف المرض في بدايته، وده بيدي فرصة أكبر للعلاج والشفاء.